जिल्ला समन्वय समितिको कार्यालय
सिन्धुली, नेपाल
पदाधिकारी
संक्षिप्त परिचय
नेपालको मानचित्रमा मध्यमाञ्चल विकास क्षेत्र अन्तर्गत जनकपुर अञ्चलको मध्य भागमा अवस्थित सिन्धुली एक पहाडी जिल्ला हो । प्राकृतिक रुपमा यो जिल्ला भित्री मधेसको समथर भूमि देखि लिएर पहाडी भुभाग रहेको जिल्ला हो । तराईको चुरे क्षेत्र देखि लिएर पहाडी महाभारतसम्म फैलिएको यो जिल्ला झण्डै नेपालको नक्सा जस्तै पूर्व पश्चिम फैलिएको छ । गणितिय भूगोल अनुसार यो जिल्ला विश्व मानचित्र २६ डिग्री ५५" देखि २७ डिग्री २२" उत्तरी अक्षांस र ८५ डिग्री १५" देखि ८६ डिग २५" पूर्वी देशान्तरमा अवस्थित छ । यस जिल्लाको सबैभन्दा होचो भाग समुन्द्रि सतह देखि २७८७ मिटरको उचाईमा छ । धरातलिय स्वरुप विविध भएकै कारण यस जिल्लाको हावापानी फरक-फरक नै छ । चुरे पहाडको नजिक तथा वरपरका भागहरुमा अधिकतम तापक्रम ७ र ८ डिग्री सेल्सियसको सरदरमा हुन्छ भने महाभारत नजिक तथा वरपरका भागहरुमा अधिकतम तापक्रम १९ र २० डिग्रीको सरदरमा हुन्छ । सिन्धुली जिल्लाको कुल क्षेत्रफल २४९१ वर्ग कि.मि. छ । प्रशासनिक आधारमा ३ वटा संसदीय निर्वाचन क्षेत्र, १३ वटा इलाका, ५० वटा गाउँ विकास समितिहरु र २ वटा नगरपलिका रहेको यस जिल्लाको सदरमुकाम सिन्धुलीमाढी हो । । निर्वाचन क्षेत्र नं.१ मा १५ गा.वि.स तथा १ नगरपालिका, निर्वाचन क्षेत्र नं. २ मा १७ गा.वि.स. तथा १ नगरपालिका र निर्वाचन क्षेत्र नं. ३ मा १८ गा.वि.स. हरु रहेका छन् । प्रत्येक निर्वाचन क्षेत्रहरुमा भावर क्षेत्र, खोच, महाभारत तथा गड्तिरका भागहरु रहेका छन् ।थप पढ्नुहोस्
© 2023 Copyright सिन्धुली जि.स.स.